Ana səhifə |
Daha öncə xəbər verdiyimiz kimi, Bakının Baş Planı və 2030-cu ilə qədər görüləcək işlərin həcmi bütün müzakirələrdən kemib və təsdiqlənmək ərəfəsindədir.
Dövlət Şəhərsalma və Arxitektura Komitəsinin sədri Abbas Ələsgərov paytaxt sakinlərinin xüsisu diqqətində olan bu məsələ ilə bağlı "AzərTac"a açıqlamasında deyib ki, Nəsimi, Yasamal və Nizami rayonları ərazi cəhətdən kiçik, əhalisi isə sıx olan rayonlardır. Yalnız Nəsimi rayonunda bir hektar əraziyə 218 nəfər düşür ki, bu da çox böyük göstəricidir:
"Həmin ərazilərdə unikal və dövlət əhəmiyyətli obyektlər istisna
olmaqla, digər inşaat işlərinin aparılması məqsədəuyğun sayılmır.
Həmçinin bu rayonlardakı köhnə və yararsız binaların sökülməsi də
nəzərdə tutulur.
Qaradağ rayonunda isə vəziyyət xeyli fərqlidir. Əhalisi 122 min
nəfər, ərazisi 114 min hektar olan rayonda bir hektara təxminən bir
nəfər düşür. Bu amil nəzərə alınmaqla, rayonun sosial-iqtisadi
inkişafına dair Dövlət Proqramı hazırlanmışdır. Burada neft-kimya
sənayesinin inkişafı, Ələt qəsəbəsində isə hava limanının tikintisi
və digər infrastruktur layihələrinin həyata keçirilməsi
planlaşdırılır. Bütün bunlar Bakının Baş Planında əksini
tapır".
A. Ələsgərov deyib ki, Qaradağ rayonunun bir hissəsi dağlıq
ərazidir. Odur ki, bundan necə yararlanmaq barədə də düşünmək
lazımdır. Ərazidəki vulkanik yerlərdən turizm məqsədi ilə istifadə
oluna bilər.
Tarix
2013.11.10 / 17:04
|
Müəllif
0
|