APA-nın "Mehr" xəbər agentliyinə istinadən məlumatına görə, yerli
sakinlər əllərində bayraqlar və İran prezidenti Həsən Ruhaninin
şəkilləri ilə küçələrə çıxaraq şadyanalıq ediblər, müxtəlif şüarlar
səsləndiriblər, qələbəni böyük coşqu ilə qeyd ediblər.
Eyni zamanda bir qrup adam noyabrın 24-də gecə saatlarında Tehranın
Mehrabad beynəlxalq hava limanına gələrək Cenevrədən qayıdan İranın
xarici işlər naziri Məhəmməd Cavad Zərifi qarşılayıblar.