Ana səhifə Planet |
Müharibə nəticəsində Suriya hökumətinə 103 milyard dollardan çox zərər dəyib. Bu haqda məlumat BMT-nin Yaxın Şərq agentliyinin baş müvəkkilinin məruzəsində qeyd edilib. İşsiz suriyalıların sayı təxminən 2,33 milyona çatır.
"Axar.az"ın verdiyi xəbərə görə, Suriyanın əhalisi 8% azalıb.
Daha öncə qeyd edilib ki, vətəndaş müharibəsinin 31 ayı ərzində Suriya sənayesi 2,2 milyardlıq zərər çəkib.
Nazirin sözlərinə görə, iqtisadiyyatın özəl sektoru 1,5 milyard dollar, dövlət sektoru isə 700 milyon dollarlıq ziyan çəkib. Nazir əlavə edib ki, bu, sadəcə, ilkin göstəricidir və ölkənin müxalifətinin nəzarəti altında olan hissə nəzərə alınmayıb.
Məlumat üçün bildirək ki, Suriyada münaqişə 2011-ci ilin martından davam edir və 100 mindən çox insan həyatına son qoyub.
Tarix
2013.11.08 / 09:38
|
Müəllif
Nərminə Allahverdiyeva
|