Oktyabrın 12-də başında şiş olduğu üçün dünyasını dəyişdiyi deyilən
1991-ci il təvəllüdlü Rəcəbli Murad Əkbər oğlunun döyülərək
öldürüldüyü məlum olub. AXCP Gənclər Komitəsi "Facebook" səhifəsi
olayla bağlı bir video paylaşıb. Videoda Murad Rəcəblinin əmisi
qardaşı oğlu barəsində danışır.
Tərtər rayonunda dünyaya gələn Murad Rəcəbli 2010-cu ilin aprel
ayında hərbi xidmətə gedib. 2012-ci ilin oktyabr ayında hərbi
xidməti başa vurub. 2013-c ü ilin aprel ayından müdətdən artıq
hərbi qulluqçu kursuna gedib. İlk təyinatı Gədəbəy rayonu N saylı
hərbi hissədə Tağım komandirinin müavini, top komandiri olub.
Oktayabrın 12-də saat 21 radələrində Murad Rəcəblin ölmüylə bağlı
ailəsinə məlumat verilib. Ekspert rəyi mərhumun heçbir xəstəliyi
olmadığı və başına küt alətlə zərbə endirildiyi barədə rəy verib.
Telekanallar isə yayımladıqları süjetlərdə bunun əksini "sübut"
ediblər. Guya mərhumun başında şiş var imiş.