"Mən türkiyə mediasının Rza Zərrabın Bakıda anadan olduğunu yazmasından xəbərsizəm".

Bu sözləri Elman Abdullayev Rza Zərrabın Bakı doğumlu olması ilə bağlı Türkiyə mətbuatının yazdığına münasibət almaq üçün "Axar.az"ın sualına cavab olaraq dedi. Mətbuat katibi bildirdi ki, bunu aydınlaşdırmağa çalışacaq: "Bu yazılanları və faktı araşdırıb, sonra məlumat verərəm".

Qeyd edək ki, 17 dekabrda türkiyədə başlayan "rüşvət əməliyyatı" qardaş ölkəni silkələyib: həm türkiyə, həm də Azərbaycan mediası bu önəmli məsələyə olduqca geniş yer ayırır. "Rüşvət əməliyyatı"nda həbs edilən əsas adamlardan biri də Rza Zərrabdır ki, türk mediası hər informasiyada onun "1984-cü il Bakı doğumlu" olduğunu bildirir.